بوسي والليثي في المحكمة!
بدأت امبارح أول جلسات محاكمة بوسي بسبب القضية اللي رافعها طليقها الليثي، والتهمة عبارة عن اصدار شيكات بدون رصيد في قضية رقم 2890 جنح النزهة، القاهرة.
المحكمة كانت مليانة خناقات وأولها كانت بسبب ان الليثي مش معاه بطاقة اثبات شخصية، وعلي الرغم من كده كان بيحاول يتدخل ويتناقش مع قاضي الاستئناف، وبعد شد وجذب، أمر القاضي بطرد الليثي من المحكمة بعد ما طلب منه البطاقة ومكانتش موجودة معاه.
وتاني خناقة، كانت بسبب خناقة بين محامية الليثي والمنتج محمد السبكي، ودا كان بسبب كلام جانبي، ودا اللي سبب في طرده من المحكمة.
والجلسة دي كانت بعد ما طعنت بوسي في القضية اللي مقدمها ضدها طليقها الليثي، وبوسي أكدت في المحكمة ان التوقيع اللي علي الشيكات مش توقيعا، وطلبت من المحكمة ان يتم تطابقها مع امضاءها، وبناء عليه المحكمة حوّلت الشيكات للطب الشرعي للمقارنة بين الامضتين.
