جيم كاري برئ من تهمة قتل صاحبته!

طلع النهاردة قرار براءة جيم كاري من تهمة قتل صاحبته ​كاثريونا وايت​، واللي كان اتهم بقتلها سنة 2015.

والدة كاثريونا بريدجيت سويتمان وطليقها مارك بورتون، كانوا قدموا بلاغ ورفعوا قضية علي جيم كاري بيتهموه فيها انه ورط بنتهم بالمخدرات وبقيت مدمنة دا زيادة علي انه نقلها امراض جنسية زي الهربس التناسلي، وانها مقدرتش تتأقلم مع مشاكلها ومرضها، الأمر اللي خلاها تيأس من حياتها وتقرر تنهيها بالانتحار.

وكان محامي الدفاع لجيم كاري قدم أوراق ثبت فيها ان كاثريونا زوّرت أوراق بخصوص الأمراض الجنسية اللي بتدعي انها منقولة لها من خلال كاري، وهي هي نفس الأوراق اللي بتستخدمها والدتها حاليا في القضية اللي رافعاها عليه.

وكاثريونا كانت خبيرة مكياج ايرلاندية، اتعرفت علي كاري وبدأت مواعدته سنة 2012، وانتحرت سنة 2015 بجرعة مخدرات زايدة .