Top
موقع الجمال

شارك

مطبخ الجمال

الدونتس .. فطار سريع ولذيذ لأطفالك

تاريخ النشر:31-10-2012 / 12:26 PM

الدونتس .. فطار سريع ولذيذ لأطفالك
المقادير:
- بيضة.
 
- 2 كوب دقيق.
 
- ½ كوب زيت.
 
- ½ كوب سكر.
 
- 2 ملعقة كبيرة خميرة فورية.
 
- كوب سكر بودرة للتزيين.
 
- لبن دافئ حسب الحاجة.
 
الطريقة:
1- اخلطي الزيت والسكر والدقيق والبيض والخميرة في طبق كبير، وقلّبيهم مع بعض لمدة دقيقة باستخدام ملعقة خشب كبيرة، بعد كده ابتدي ضيفي اللبن بالتدريج، واعجنيها بإيدك لحد ما تبقى عجينة متماسكة.
 
2- سيبي العجينة لمدة نصف ساعة علشان تختمر، وبعد كده اعجنيها مرة تانية قبل ما تبدئي في تشكليها، وشكّليها دواير كبيرة باستخدام كوب أو غطاء برطمان، وفرّغي الدواير دي من المنتصف باستخدام غطاء زجاجة.
 
3- سيبي العجينة تختمر لمدة نصف ساعة كمان بعد التقطيع، وبعد كده اقليها في زيت غزير على درجة حرارة متوسطة، لغاية ما لونها يبقى دهبي، وبعد كده طلّعيها، ورشّي عليها السكر البودرة للتزيين، وممكن تستبدلي سكر التزيين بصوص شيكولاتة أو مربى.

 

المصدر: وكالات