أحمد مالك لـ"الشرطة": أنا آسف.. خطأ لن يتكرر

اعتذر الفنان أحمد مالك عن إهانته للشرطة المصرية، مشيرا إلى أن هذا الخطأ وقع فى لحظة تهور دون دراسة تبعاته.

 

وقال مالك، في تدوينة له من قليل على موقع التواصل الاجتماعي "فيس بوك": "بعتذر بشدة لكل شخص أساءه الفيديو، خاصة الشرطة، الفيديو فعلا فيه تجاوزات لم أتوقع إنها تخرج بره دايرة الأصدقاء وده مش مبرر على الخطأ".

 

وأضاف: "أنا عمري عشرين سنة وساعات في السن ده الأفكار المتهورة بتسبق التفكير العقلاني وللأسف الغلطات دلوقتي بقت مسجلة ومصورة وده بيديها عمر وحجم أكبر من حجمها الحقيقي، دي لحظة تهور ولحظة مش محسوبة وفعلا ندمان عليها وحاولت مسحها ولكن كنت فوجئت إنها انتشرت قبل ما اقدر أنقذ الموقف".

 

وتابع: "يمكن الموقف ده كله نابع من إحباط عدم القدرة على التعبير عن الرأي اللي حاسه الأيام دي، بس برضه ده ميدينيش الحق إني أتجاوز أو أعبر عن رأيي بطريقة متجاوزة في حق الآخرين. أكتر حاجة مضايقاني إنه هيتم استخدام اللحظة دي لتشويه الثوار والثورة وماقدرش ألوم حد في النقطة دي إلا نفسي اللي الإحباط عماها. أتمنى من الجميع إنهم ميتعاملوش مع اللحظة دي على إنها بتلخصني ويتعاملوا معاها على إنها لحظة عابرة لن تتكرر،  مرة أخرى بعتذر".