اختبار .. صورة هتوضح لك شكل حياتك العاطفية

صورة اتعملها مشاركة كتير علي مواقع التواصل الجتماعي بناء علي دراسات عملها علماء النفس مؤخرا، وبناء عليه اللي هتشوفه هيوضح كتير جدا عن حياتك.

1- لو شوفت عصفورين: دا معناه انك بتتعامل مع صحابك او الناس اللي حواليك بشوية عجرفة وتعالي، وانت دايما بتبرر السبب في التعامل بالشكل دا انك مميز أكتر منهم في حاجات معينة، ودا بيخلي يرفضوا التعامل معاك في الحاجات المعينة اللي انت مميز فيها عشان ميحسوش انهم أقل منك، ونصيحة علماء النفس أنك لازم تحسن التعامل مع الاخرين من غير ما تتعالي أو تتعجرف عليهم.

2- لو شوفت عصفور واحد مع أوراق الشجر: دا معناه انك مش مستقل، أو بمعني تاني انك بتعتمد علي شريكك في الحياة -سواء حد من قرايبك او صحبك او حتي حبيبك-، عشان كده لازم تاخد بالك من مواقفك شوية وتحاول تعتمد علي نفسك عشان لو فضلت معتمد علي غيرك هيزيد احساس التوتر عندك ودا هيكون له تأثير سلبي عليك جدا في حياتك عموما.