شاهد .. مها أحمد توجه رسالة مؤثرة لزوجها مجدي كامل
خاص الجمال - طارق علي
وجهت الفنانة مها أحمد رسالة مؤثرة لزوجها الفنان مجدي كامل، فى يوم عيد زواجهما لاقت اعجاب الكثير من متابعيها عبر انستجرام ، وذلك من خلال صورة من حفل زفافهما.
وكتبت مها احمد :" طول عمرى كنت بحلم ان ربنا يكرمنى ويكون من نصيبى شاب ابن حلال وطيب وحنين وشهم وجدع واهم شيء يكون بيحبنى ويحطنى جوه عنيه الحمد لله رب العالمين انى من اول يوم دخلت فيه المعهد وبداية تحقيق طموحى الفنى ربنا رزقنى بالهدية اللى كنت بحلم بيها وهى انت من افضل واجدع شباب المعهد كل البنات تتمنى نظره منه ".
وأضافت: "لكن ربنا اراد انك تختارنى وتحبنى وتراعى ربنا فيا. وانا بقلب فالبوم ذكرياتى الجميلة افتكرت كل كلمه حلوه قلتهالى كل طبطبة طبطبت فيها عليا كل حب كل حنان طول فترة زواجنا كنت صاحبى واخويا وابويا واستاذى وابنى عمرك محرمتنى من حاجه كنت سخى فكل حاجه ربنا يخليك ليا ولولادك".
وتابعت: "يمكن الظروف الصعبة اللى مرينة بيها عمرك محسستنى ان الحمل تقيل عليك رغم انى عارفه انه تقيل وتقيل قوى بس انت قد كل صعب زوجى وافتخر النجم المكافح المحترم المحبوب حبيب الملايين مجدى كامل .اسفه طبعا انى اقول القاعدة مدة طويلة فالبيت اعتقد انها مصلحه لكل زوج وزوجه يطلعوا البوم ذكرياتهم ويحاولوا يسترجعوا احلى ايام العشرة الطيبة يمكن لو عملنا كده ربنا يهون علينا ويفك كربنا ويبعد البلاء. بسم الله ماشاء الله ربنا يباركلى فيك ويخليك لولادك ويقويك حبيب عمرى نجم النجوم مجدى كامل".
