أحمد حلمي ينفي توجيه أي رسالة لمحمد رمضان بسبب سيارته
نشر الفنان أحمد حلمي، على صفحته بـ«فيس بوك»، توضيحًا بخصوص ما حدث بعد نشر صورته وهو يركب سيارته، قائلًا: «دي الميني القديمة، التي كانت بتاعتي وانا راكب العربيه الميني القديمه اللي كانت معايا في فيلم ظرف طارق، واللي الناس فهمت أنها بغرض أني بوجهه رساله لزميلي الفنان محمد رمضان وهذا ما أحزني كثيرًا».
وتابع: «يا جماعه أنا لو عايز أوجهه رسالة لأي حد أعرفه كويس أو حتى معرفوش مش هأعمل كده على مواقع التواصل الاجتماعي، لأني عمري ما عملت كده أبدًا لأني ببساطه ممكن ابعتله رساله على موبيله أو هاكلمه في التليفون».
وتابع: «أما الكلام اللي كان مكتوب تحت الصوره اللي كتير من الناس معرفش ازااااااااي بجد فسروه بالطريقه دي مع انه فعلا مايخصش حد خالص غير واحد صاحبي هو الوحيد اللي هايفهمه لأني قايله بسبب موقف طريف حصل معانا وليه علاقه بالعربيه الميني، علشان كده نهيت الكلام المكتوب بـ(ده كلام في سرك ..... ششش)»
ووجه رسالة لمحمد رمضان، قائلًا: «زميلي العزيز ربنا معاك ويوفقك دايما وتحقق كل اللي نفسك فيه في حياتك الفنية».
