رامي جمال يعلن إصابته بمرض البهاق .. وهذا رد زوجتة والجمهور؟
خاص الجمال - طارق علي
أعلن المطرب رامي جمال إصابته بمرض البهاق، بعد ظهور بقع بيضاء اللون بمناطق بجسده، دون أن يجد له علاجا، وقرر أن يشارك الجمهور الأمر ليضع حلين أمامه إما الاعتزال أو أن يتقبله الجمهور بهذا الشكل".
وقال رامي جمال عبر صفحتة الرسمية بإنستجرام عن إصابته بمرض البهاق متسائلا هل سيتقبل الجمهور له بهذا الشكل أم يعتزل الفن، قائلا: "الحمد لله الذي أحبني فابتلاني واقدرني علي الصبر من فتره ظهرت بقع بيضا في جسمي وبالكشف عرفت انه البهاق وجربت أنواع علاج كتير ودكاترة كتير ومفيش فايده رضيت وسلمت أمري الله علشان عرفت ان الزعل بيزوده وكفايه شغلانتي وصعوبتها والقلق الدائم من المستقبل".
وتابع: "وفعلا بقي بيزيد لدرجه لفتت نظر ناس كتير اللي بقي يقوللي هتتعامل ازاي وانت فنان واللي يخاف يسلم واللي يسألني هو ده معدي انا بقالي سنه فعلا لو عندي حفله او تصویر بتعب علي ما اشوف طريقه أخفيه بيها لدرجه خلت ناس تقوللي شوف بیزنس تاني اعمله علشان الناس مش هتقبلك كده فكرت في كلامهم بصراحه ولقيت ان عندي حلين یا فعلا شكرا لحد كده علي الشغلانه دي رغم حبي ليها وعدم معرفتي بغيرها".
واختتم حديثه قائلًا: "یا اما مش هداريه تاني وتقبلوني بيه وترحمو كل اللي ربنا ابتلاهم بيه من نظرة انو شكلو غريب الحمد لله على نعمة الأهل لانهم الوحيدين اللي بيقبلو الواحد زي ما هو طولت عليكم بس قلت أشرككم في حياة فنان".
وقد انهال جمهوره ومحبيه على مواقع السوشيال ميديا بالتعليق والتعبير عن حبهم للمطرب ومطالبته بمواصلة طريقة فى الفن وتشجيعة على عدم الاعتزال.
كما كتبت زوجة المطرب رامى جمال: "أعتقد بعد كل طاقة الحب اللي شوفتها دي مش محتاج كلام تاني".
