حقيقة زواج رضوى الشربيني سرَا من زوج إعلامية شهيرة
04:42 م - الأحد 22 نوفمبر 2020
رضوى الشربيني
خلال الساعات الماضية، تصدر اسم الإعلامية رضوى الشربيني تريند مواقع التواصل الإجتماعي ومحركات البحث بعد شائعة زواجها السري من "سمير يوسف" الرئيس التنفيذي لمجموعة قنوات CBC، زوج الإعلامية منى الشاذلي، والتي تجمعها علاقة طيبة برضوى الشربيني، ليصبح حديث الساعة والتريند الجديد .
ربما يعجبك
لم يهدأ بال رضوى الشربيني حتى تحدثت مع جمهورها " لايف" أمس على حسابها على فيسبوك، لتوضح الصورة الكاملة لتلك الشائعة، ونفت بشكل صريح و واضح كل ما تم تداوله، واعتذرت لأسرة منى الشاذلي و زوجها عن هذا الموقف المحرج.
قالت رضوى الشربيني :" "لاقيت إشاعة غريبة جدًا ولأنها ما تخصنيش أنا لوحدي طالعة أتكلم، وده للمرة الثانية، وفي المرة الأولى طلع عليا إني مرتبطة بمواطن مغربي اسمًا وقولًا، واتقال إني هتجوزه، ودلوقتى لسه طالعة من الاستديو بنفس المكياج طلعت إشاعة غريبة، مش عارفة اتقال ليه، أو يمكن عارفة اتقال ليه في التوقيت ده بالذات".
وتابعت: "بقول للناس اللي بتحبني وما بتحبنيش أنا شخص مش مرتبط، ولما هرتبط كل الناس هتعرف، علشان أنا مش الست اللي بتعمل حاجة في الدرا ومش الست اللي بتعمل حاجة في الخفا، أنا بجحة كفاية أوي إن أي حاجة أعملها اطلع أقول إني بعملها، لأن الجواز مش عيب وبقول كده في برنامجي على طول اتجوزوا بس اختاروا صح".
وأضافت: "أنا ست مش مرتبطة، بربي بناتي وبشوف شغلي وبشوف مشاكل الستات، واللي بنقدر نحله بنحله، واللي مش بنقدر عليه بندعي ربنا إنه يحله، ولما ارتبط مش مصر هتعرف الوطن العربي كله هيعرف، ومش هتكلم تاني أكتر من كده علشان ما أديش الحاجة أكبر من حجمها".
