Top
موقع الجمال

شارك

سكووب

مي عز الدين تطالب بعرض مسلسل "وعد" على MBC مصر وهذا رد مجموعة MBC

تاريخ النشر:08-06-2016 / 04:49 PM

مي عز الدين تطالب بعرض مسلسل "وعد" على MBC مصر وهذا رد مجموعة MBC

طالبت الممثلة مي عز الدين إدارة مجموعة قنوات mbc بعرض مسلسلها "وعد" على  قناة mbc  مصر، وليس على mbc  مصر 2، وذلك عبر صفحتها الخاصة على أحد مواقع التواصل الإجتماعي.

وعلّقت عز الدين قائلة "أنا قضيت اليومين اللي فاتو بحاول أطالب إدارة قنوات Mbc مصر بزيادة إعادة المسلسل وعرضه على قناة Mbc  مصر كمان لأنه بيتعرض على Mbc مصر 2 فقط ودي ناس كتير مكانتش تعرفها ولا منزلاها".

وأضافت "في الآخر الرسالة الوحيدة اللى وصلتني إن ده مقصود علشان دي الفرصة إن القناة تتعرف، يعنى أنا كده مطلوب مني أقوم قناة لوحدي تمام وأنا بقول لـ mbc  قبلت المسؤولية وبإذن الله ربنا يكرم والقناة والمسلسل يتشافو والحمد لله فيه علامات باينة من كم الإعلانات اللي جه من بعد أول حلقة للمسلسل".

وتابعت عز الدين "أنا هعتبره امتحان ليا يعرفني قدري عند الناس وهل فعلاً بيحبو مسلسلاتي أولا ونسبة الجماهيرية اللي وصلتها أيه مع أني مهما كان ليا جمهور أكيد كنت أتمنى أني أتشاف من الناس اللى مش من جمهوري لأن ساعات بتكون كمشاهد ملكش في ممثل، لكن لو قابلت حلقة لمسلسله بالصدفة  وعجبتك بتقرر تتابعه وده في الاخر بيبقى خلاني كسبت مشاهد جديد بقى بيحب يتفرج على أعمالي وده طبعا مش هيحصل السنة دي لأن مفيش حد بيبقى معدي وبيشوف القناة دي بالصدفة الناس لسه اصلا بتتعرف على طريقها من خلالنا وبينزلوها".